Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

114 jurnalist mükafatlandırıldı



Dekabrın 22-də Beynəlxalq Mətbuat Mərkəzində Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) 31 Dekabr - Dünya Azərbaycanlılarının Həmrəyliyi Günü və Yeni il münasibətilə keçirdiyi fərdi jurnalist yazıları müsabiqəsinin qalibləri mükafatlandırılıb


AzNews.az xəbər verir ki, tədbirdə Milli Məclisin deputatları, ziyalılar və KİV nümayəndələri iştirak ediblər.

Fondun icraçı direktoru Vüqar Səfərli mərasimdə çıxış edərək son illər təmsil etdiyi qurum tərəfindən həyata keçirilən layihələrdən söz açıb. Bildirib ki, bu layihələrdən biri də fərdi yazı müsabiqəsidir. 2014-cü ildə KİVDF tərəfindən ayrıca və digər qurumlarla birgə 10 müsabiqə keçirilib. Bu müsabiqələrdə 336 jurnalist mükafatlandırılıb. Sonuncu müsabiqə daha geniş auditoriyanı əhatə edib. 

Vurğulanıb ki, KİVDF media nümayəndələri arasında sağlam rəqabətin daha da gücləndirilməsi, yekun nəticələrdən daha çox jurnalistin faydalanması imkanının yaradılması baxımından mövcud müsabiqə qaydalarına bəzi əlavə və dəyişikliklər edib. Müsabiqə mövzuları jurnalistlərin özləri tərəfindən Kütləvi İnformasiya Vasitələrinin İnkişafına Dövlət Dəstəyi Konsepsiyasında nəzərdə tutulmuş 19 istiqamət əsasında, sərbəst şəkildə müəyyənləşdirilib.

Diqqətə çatdırılıb ki, sonuncu müsabiqəyə 154 yazı təqdim olunub. Bu, ümumilikdə 58 media qurumunu əhatə edib. Hər istiqamət üzrə ümumilikdə 6 qalib seçilib. Müsabiqədə hər istiqamət üzrə birinci yer üçün 500 manat olmaqla 1, ikinci yer üçün 300 manat olmaqla 2, üçüncü yer üçün 200 manat olmaqla 3 mükafat verilib. Fondun keçirdiyi müsabiqələrdən ümumilikdə 114 nəfər jurnalist faydalana bilib.
Sonra Fondun Müşahidə Şurasının üzvləri müsabiqə zamanı qarşılaşdıqları bir çox məsələlərdən bəhs ediblər. Yazılarda əksini tapmayan jurnalist peşəkarlığından, hadisələrə yanaşmaların bəsitliyindən, rəngarəngliyin, forma müxtəlifliyinin çatışmazlığından söz açılıb. Həmçinin müsabiqəyə təqdim edilən bir sıra zövqlü, seçilmiş mövzunu əhatə edən yazılar da yüksək qiymətləndirilib.

Diqqətə çatdırılıb ki, müzakirələr aparılaraq növbəti müsabiqələrin formasında dəyişikliklər edilə bilər.

Sonra qaliblər mükafatlandırılıblar. 


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Qurban Qurbanov hərəkətlərinə fikir verməyən futbolçunu cərimələdi

Ən çox oxunanalar