Respublikaçılar Partiyasından ABŞ prezidentiliyinə namizəd Donald Tramp ölkə KİV-lərini seçkiqabağı kampaniyanı qərəzli işıqlandırmaqda ittiham edib
Axar.az xəbər verir ki, “Foks Nyus” telekanalının canlı yayımında çıxış edən Tramp medianın rüşvət aldığını iddia edib:
“Birlikdə fırıldaqçı və korrupsiyaya bürünmüş mediaya qalib gələcəyik. KİV əməkdaşları kimi rüşvətxor tapılmaz. Hamısı olmasa da, əksəriyyəti elədir. Onlar korrupsiyalaşmış bir qrupdur”.
Milyarder iş adamı partiyasının ona dəstək verməməsindən də şikayətlənib.
“Əgər bizim partiyada dəstək olsa, biz seçkilərdə Hillari Klintona uduzmarıq. İnsanlar (Trampın tərəfdarları) partiya rəhbərliyindən narazıdır, çünki yuxarıdan dəstək verilsə, biz yüz faizlik qələbə qazanarıq. Lakin mən düşünürəm ki, biz istənilən halda qələbə çalacağıq”.
pia.az