ABŞ Prezidenti Barak Obama büdcə kəsirlərini sona çatdırıb xərclərin 7 faiz azaldılmasını özündə əks etdirən qanun layihəsini Konqresə göndərməyə hazırlaşır
PİA.AZ Axar.az-a istinadən xəbər verir ki, Obama bu qanunla varlıların ödədiyi vergini yüksəldərək büdcə gəlirlərini artırmağı planlaşdırır.
Bu barədə mətbuata açıqlama verən Joş Ernest qanunun əsas məqsədinin orta gəlirli ailələrin həyat səviyyəsinin daha da yaxşılaşdırılmasına hesablandığını bildirib.
Xatırladaq ki, Konqresdə çıxışı zamanı Ağ Ev rəhbəri orta gəlirli ailələrə yardım məqsədilə investisiyaların artırılmasının vacib olduğunu açıqlamışdı.
Uşaq baxımı üçün ailələrə edilən yardımın artırılmasını istəyən Obama 2 illik universitetlərin pulsuz olmasını planlaşdırır. Obamanın bu planı 2016-cı ildə 74 milyard dollarlıq “İstəyə görə investisiya” planında əks olunub. Bu plan təsdiq olunarsa, sosial müdafiə xərcləri 530 milyard dollara çatmış olacaq.
Ölkənin nüfuzlu “Hufinqton Post” qəzetinin sorğusunu cavablandıran Obama varlı təbəqənin ödəyəcəyi vergi nisbətinin artırılıb əldə olunan qazancın orta gəlirli ailələrə yatırılacağını deyib.
Obamanın bu planı gerçəkləşməyə də bilər. Çünki Konqresdə çoxluq təşkil edən Respublikaçılar bu qanun layihəsinə o qədər də isti baxmır. Ernest açıqlamasında bu gündən etibarən Respublikaçı siyasətçilərlə büdcə planını müzakirə edəcəklərini açıqlayıb.
pia.az
Digərxəbərlər
Populyar xəbərlər
