AzPolitika.info xarici KİV-ə istinadla xəbər verir ki, ABŞ-ın başçılıq etdiyi koalisiya Mosulda hospitalı bombalayıb
Bu barədə ABŞ silahlı qüvvələri Mərkəzi komandanlığı mətbuat xidmətinin bəyanatında söhbət açılır. Bəyanatdan belə aydın olur ki, zərbələr İraq hərbçilərinin sorğusu əsasında endirilib.
Xəbərdə deyilir ki, dekabrın 6-da İraq qüvvələri Mosul şəhərinin Əl-Salam xəstəxanalar kompleksini (şəhərin şərq hissəsində yerləşir) «İslam dövləti» silahlılarından azad azad etmək cəhdi göstərib.
Bildirilir ki, terrorçular sözügedən hospitalı özlərinin komanda məntəqəsi və əməliyyatlar həyata keçirmək üçün baza qismində istifadə ediblər.
«İraq qüvvələrini dəstəkləmək məqsədilə koalisiya təyyarələri havadan terrorçuların mövqelərinə zərbələr endiriblər» – deyə, bəyanatda qeyd olunur.
Zərbələrin məhz hospitala endirildiyi barədə xəbərin mətnində söhbət açılmasa da xəbərin özü «Koalisiya Mosulda hospitala zərbə endirib» başlığı altında yayılıb.
Ölənlər və yaralananlar haqqında məlumat yoxdur.
pia.az