Azərbaycan və Gürcüstanın birgə təşkil edəcəyi qadın voleybolçular arasında AÇ-2017-də iştirak edəcək daha 2 komanda müəyyənləşib
İtaliya və Belarus yığmaları II seçmə mərhələdə qrupu lider kimi bitirərək, bu hüquqa yiyələnib.
Belə ki, italiyalılar A qrupunda 17 xalla bütün rəqiblərini qabaqlayıblar. Onlar bütün görüşlərini qələbə ilə bitiriblər. F qrupundan çempionata bilet sifariş verən Belarus isə buna heç də asan nail olmayıb. Aleksandr Klimpviçlə Ancelo Vercesinin çalışdırdığı komanda ən yaxın izləyicisi Çexiyanı cəmi 1 xal qabaqlamaqla (13 xal), mərhələ adlayıb.
Beləliklə, yarışda mübarizə aparacaq 16 komandadan 13-ü məlumdu. Bunlar ev sahibləri Azərbaycan və Gürcüstanla yanaşı, Avro-2015-in mükafatçıları - Rusiya, Hollandiya və Serbiya, həmçinin ilk "beşlik"də qərarlaşan Türkiyə və Almaniya yığmalarıdı. Seçmə mərhələdə onlara daha 6 milli - İtaliya, Belçika, Polşa, Xorvatiya, Bolqarıstan və Belarus da qoşuldu. Son 3 iştirakçının adına isə III seçmə mərhələdən sonra aydınlıq gələcək. Pley-offda 6 qrupun ikinciləri münasibətinə aydınlıq gətirəcək. Burada Rumıniya Macarıstanla, Çexiya Slovakiya ilə və Ukrayna İspaniya ilə üz-üzə gələcək. Bu qarşılaşmalar oktyabrda keçiriləcək.
Qeyd edək ki, Avro-2017-də Gürcüstanda cəmi 1 qrupun oyunları və 1/4 final matçları baş tutacaq. Digər 3 qrup - biri Quba, ikisi Bakıda olmaqla, Azərbaycanda mübarizə aparacaq. Çempionatın həlledici qarşılaşmaları - yarımfinal və final oyunları da paytaxtımızda gerçəkləşəcək. (apasport.az)
pia.az
Digərxəbərlər
Populyar xəbərlər
