Azərbaycan Demokratiya və Rifah (ADR) Hərəkatının Türkiyə - Rusiya münasibətlərində yaranmış son gərginliyə dair bəyanat yayıb
PİA.AZ həmin bəyanatı təqdim edir:
"Suriya böhranı və onun ətrafında yaşanan siyasi gərginlik dünya və o cümlədən region dövlətlərini ciddi şəkildə narahat etməkdədir.
İki gün öncə Türkiyə - Rusiya münasibətlərində siyasi qarşıdurmaya səbəb olan təyyarə qalmaqalı bu narahatçılığı daha da artırmışdır.
Suriyada antiterror əməliyyatlarında iştirak üçün İŞID-ə qarşı mübarizə məqsədi ilə Bəşər Əsəd tərəfindən mandat alan Rusiya daha çox öz imperiya və yerli rejimin maraqlarını həyata keçirməyə başlamışdır.
Rus ordusu İŞID - ın mövqelərini deyil Əsəd reyiminə müxalif olan güclərin o cümlədən türkmən əhalisinin yaşadığı əraziləri təyyarələrdən istifadə edərək bəşəri cinayət törətməkdə davam edir.
İki gün əvvəl növbəti uçuşu həyata keçirən iki rus döyüş təyyarəsi Türküyə dövlətinin sərhəddini pozmuş , dəfələrlə xəbərdarlıq edilməsinə baxmayaraq qanunsuz əməllərini davam etdirmişlər.
Türkiyə dövlətinin suveren hüquqlarının pozulmasına yönələn bu hərəkətlərə Türkiyə Cümuhiriyyətinin HHQ beynəlxalq hüquq normaları çərçivəsində cavab olaraq təyyarələrdən birini vurmaq məcburiyyətində qalmışlar.
Hadisələrdən sonra RF-nın prezidenti Putin bütün siyasi və diplomatik normaları aşaraqTürkiyə Cümuhiriyyəti ilə hədə dilində danışmağa başlamışdır.
Azərbaycan Demokratiya və Rifah (ADR) Hərəkatı hadisələrin belə inkişafının region və dünya üçün təhlükə mənbəyinə çevrildiyindən narahatlığını bildirir, dünyanın mütərəqqi dövlətlərini və beynəlxalq təşkilatlarını gərginliyin artmasına səbəb olan Rusiyaya qarşı təsirli tədbirlər görməyə çağırır və bu proseslərdə haqlı mövqeyə malik qardaş Türkiyənən yanında olacağını bəyan edir".
pia.az