Almaniyanın güllə ixracatı 2016-cı ilin 6 ayı ərzində 10 qat artıb
PİA.AZ türk mətbuatına istinadən bildirir ki, Federal Parlamentdə müzakirəsi gözlənilən silah ixracatı hesabatında göstərilən rəqəmlərə görə, Almaniyanın güllə ixracatı 2016-cı ilin ilk 6 ayında 27 milyon avrodan 283,8 milyon avroya yüksəlib.
Tapança və tüfəng ixracatı isə 12.4 milyondan 11.6 milyon avroya qədər azalıb. Yüngül silah və güllənin ixracat olunduğu üç böyük ölkə Fransa, İraq və Polşadır.
Almaniyanın silah ixrac etdiyi ölkələr arasında yer alan Türkiyə 2016-cı ilin ilk 6 ayında 76.4 milyon avro ilə 25-ci yerdən 8-ci yerə yüksəlib. Türkiyənin Almaniyadan aldığı silahlar içərisində təyyarə hissələri, insansız hava vasitəsi, motor və yer dəstək avadanlıqları var.
Gülşən ŞƏRİF
pia.az