“Nurəngiz xanım Azərbaycan Yazıçılar Birliyindən götürülməyəcək”
Bu sözləri AzNews.az-a açıqlamasında Azərbaycan Yazıçılar Birliyinin sədri Anar Rzayev bildirib.
Onun sözlərinə görə, mərhumə Nurəngiz Günlə vida mərasimi öz yaşadığı evdə olacaq və ordan dəfnə aparılacaq: “Ancaq onu da deyim ki, Yazıçılar Birliyi onun dəfninə dəstək verəcək”.
Qeyd edək ki, şairənin qızı, millət vəkili Jalə Əliyeva anasının dəfni ilə bağlı Azərbaycan Yazıçılar Birliyindən cavab gözlədiyini deyib: “Bu gün hələ ki, evdəyik. Vida və dəfn mərasimi ilə bağlı Azərbaycan Yazıçılar Birliyindən cavab gözləyirik”
Şairə Nurəngiz Gün bu gün səhər saatlarında dünyasını dəyişib.