Sentyabrın 30-da Arif Hacılı Müsavat Partiyasının başqanı kimi ilk sərəncamlarını imzalayıb
Arif Hacılı partiyanın yeni icra strukturları yaradılanadək Mərkəzi İcra Aparatına öz funksiyalarını həyata keçirməyi tapşırıb. Bundan başqa, Arif Hacılı oktyabrın 11-də Müsavat Məclisinin sessiyasının çağırılmasına, sessiyada Mərkəzi Nəzarət Təftiş Komissiyasına və sərbəst Məclis üzvlüyünə boş qalmış yerlərə seçkilər keçirilməsinə sərəncam verib.
Oktyabrın 1-i saat 12-dən oktyabrın 10-u saat 17-dək olan müddət Mərkəzi Nəzarət Təftiş Komissiyasına və sərbəst Məclis üzvlüyünə boş qalmış yerlərə namizədlərin irəli sürülməsi müddəti kimi müəyyən edilib.
Sərəncama əsasən, ərizələr yazılı şəkildə Müsavat Partiyası Mərkəzi İcra Aparatının təşkilat şöbəsinə təqdim edilməlidir.(musavat)