Baş nazir Artur Rasizadə Bakıda keçirilən ADEX-2014 beynəlxalq müdafiə sənayesi sərgisini ziyarət edib
APA-nın məlumatına görə, baş nazir əvvəlcə Müdafiə Sənayesi Nazirliyinin stendi ilə tanış olub, ona Azərbaycanda istehsal olunan silah və texnikalar haqda məlumat verilib. Baş nazir nazirliyə müvafiq tapşırıqlarını verib.
Daha sonra A. Rasizadə Türkiyə, Ukrayna, Polşa, İsrail, Belarus və digər ölkələrin stendlərinə baş çəkib, yeniliklərlə maraqlanıb.
Sərgidə A. Rəsizadəni müdafiə sənayesi naziri Yavər Camalov və iqtisadiyyat və sənaye naziri Şahin Mustafayev müşayiət edib.