Müğənni Aslan Hüseynov sənət adamlarının sosial şəbəkədə təhqir edilməsinə münasibət bildirib
Axşam.az-ın məlumatına görə, "Space" telekanalında Kamran Həsənlinin aparıcısı olduğu "Onda başladıq" verilişinə qonaq olan sənətçi müddət öncə Sumqayıt sakini tərəfindən təhqir olunduğunu bildirib:
"Gizli nömrədən zəng gəldi, araşdırdıq və məlum oldu ki, 42 yaşlı beş uşaq atasıdır. Kərimdən fərqli olaraq, bölmədə çəkiliş etmədim. Özlərini bizim yerimizə qoysunlar. Nə etmişəmsə, yaxşı etmişəm. Qanun qarşısında cavab verməyə hazıram".
K.Həsənlinin "Həmin şəxsi döymüşdün" sualına Aslan belə cavab verib:
"Çox şeylər oldu. Üzr istədi. Dedi ki, telefonu stola qoymuşdum. Dedim, sənin telefonun ATS-di? Dünən yekə-yekə uzanmışdın, bu gün 42 yaşlı beş uşaq atası üzr istəyirsən. Elələrini göstərmək lazımdır. Kərimin məsələsinə gəlincə, o üzrxahlıq bölmədə olmamalıydı".
Qeyd edək ki. bir müddət öncə müğənni Kərim Abbasovun Binəqədi Rayon Polis İdarəsi 4-vü polis bölməsində sosial şəbəkədə onu təhqir edən iki nəfəri üzr istədərək videosunu çəkdirməsi səs-küyə səbəb olmuşdu.
Sözügedən məsələylə bağlı Daxili İşlər naziri Ramil Usubovun göstərişi ilə Binəqədi rayon Polis İdarəsi 4-cü Polis Bölməsində araşdırmalara başlanılmışdı. Araşdırma nəticəsində Etibar Balakişiyevə şiddətli töhmət verilib, sahə müvəkkili Oruc Mirzəyev isə daxili işlər orqanlarından xaric edilib.
pia.az
Digərxəbərlər
Populyar xəbərlər
