3 nəfər təxliyyə edildi
Fövqəladə Hallar Nazirliyindən verilən məlumata görə, Astara rayonu, Pensər kəndində (rayon mərkəzindən 20 km aralı) vətəndaşa məxsus ümumi sahəsi 420 kv.m olan üçmərtəbəli obyektin 1-ci mərtəbəsində yerləşən ərzaq mağazasının yanar konstruksiyaları 100 kv.m sahədə yanıb.
Hadisə zamanı 3-cü mərtəbədə yerləşən oteldən yanğınsöndürənlər tərəfindən 3 nəfər vətəndaş təxliyə edilib. 2-ci mərtəbədə çayxana və 3-cü mərtəbədə otel yanğından mühafizə olunub.
Yanğın saat 02:45-də yanğınsöndürənlər tərəfindən söndürülüb.