Bakının Atatürk prospektində yerləşən Ayna Sultanova parkı əsaslı təmirə bağlanıb
Pia.az xəbər verir ki, yenidənqurma işləri “Elta Construction” şirkəti tərəfindən aparılır.
Hasarın üzərində parkın layihəsini əks etdirən şəkillər yerləşdirilib.
Layihədə Ayna Sultanovanın heykəlinin park ərazisində saxlanılması nəzərdə tutulmayıb.
Məsələ ilə bağlı sayt Binəqədi Rayon İcra Hakimiyyətindən rəy öyrənmək istəyib. ancaq cəhdləri nəticəsiz qalıb.
Xatırladaq ki, keçən il Binəqədi Rayon İcra Hakimiyyətindən bildirilmişdi ki, parkın planlaşdırılan təmiri zamanı heykəlin götürülməsi deyil, yerinin dəyişdirilməsi nəzərdə tutulur.
Ayna Sultanovanın parkda qranitdən heykəli 1986-cı ildə ucaldılıb.
Ayna Sultanova Azərbaycanda bolşevik partiyasına ilk yazılan azərbaycanlı qadın, uzun illər Azərbaycanda rəhbər vəzifələrdə çalışaraq bolşevik, kommunist partiyasının ideyalarını həyata keçirən siyasi xadim və milli hökumətə qarşı silahlı üsyanın təşkilatçılarından olub.
O, həmçinin Leninin, Şaumyanın, Mikoyanın, Qarayevin, Əzizbəyovun ən yaxın silahdaşı Həmid Sultanovun həyat yoldaşı, inqilabçı Qəzənfər Musabəyovun bacısı olub.
O, 1938-ci ildə qardaşı Qəzənfər Musabəyov və həyat yoldaşı Həmid Sultanovla birlikdə repressiyaya məruz qalıb və xalq düşməni kimi güllələnib.
Digərxəbərlər
Populyar xəbərlər
