“ReAL” Hərəkatı İdarə Heyətinin üzvü Azər Qasımlının ölkədən çıxışına icazə verilməyib
Musavat.com xəbər verir ki, bu barədə məlumatı A.Qasımlı öz şəxsi “facebook” səhifəsində açıqlayıb.
O, bildirib ki, sentyabrın 28-də xaricə gedərkən “Böyük Kəsik” keçid məntəqəsində saxlanılıb: “Gürcüstana gedirdim. “Böyük Kəsik” keçid məntəqəsində mənə bildirdilər ki, ölkədən çıxışma qadağa qoyulub. Amma ölkədən çıxışa qadağa qoyulması barədə mənə əvvəlcədən hər hansı xəbərdarlıq edilməyib”.
A.Qasımlı məsələ ilə bağlı Baş Prokurorluğun Ağır Cinayyətlər İdarəsinin müstəntiqi Orxan Babayevə zəng etdiyini qeyd edib: “Mənimlə bağlı hər hansı cinayət işinin olması barədə məlumatım yoxdur. Məsələni araşdırmaq üçün ayyarım əvvəl dindirildiyim Baş Prokurorluğun Ağır Cinayyətlər İdarəsinin müstəntiqi Orxan Babayevə zəng etdim. Mənə bildirdilər ki, məsələni araşdırıb, məlumat verərlər”.
A.Qasımlı baş vermiş olan hadisənin təmsil olunduğu Respublikaçı Alternativ təşkilatına qarşı təzyiq ilə əlaqələndirib: “Hansı idarənin ölkədən çıxışıma qadağa qoymasını dəqiq deyə bilmərəm. Lakin bu qərarın qeyri-qanuni olduğu, şəxsən mənə və təmsil olunduğum Respublikaçı Alternativ təşkilatına qarşı təzyiq olduğu aydındır”.
pia.az