Oktyabr ayının 1-i vəziyyətinə ölkə əhalisinin sayı 9 mln. 564,4 min nəfərə çataraq, ilin əvvəlindən 87,3 min nəfər və ya 0,9 faiz artıb
PİA.AZ Dövlət Statistika Komitəsinə istinadən bildirir ki, əhalinin bir kvadrat-kilometrə düşən sıxlığı 110 nəfər olub. Hər 1000 nəfər kişiyə qadınların sayı 1011 nəfər təşkil edir. Əhalinin ümumi sayının 53,2 faizi şəhər, 46,8 faizi isə kənd sakinləridir.
Cari ilin yanvar-sentyabr ayları ərzində ölkədə 128,1 min körpə doğulmuş və ötən ilin müvafiq dövrü ilə müqayisədə əhalinin hər 1000 nəfərinə hesabı ilə bu göstərici 17,9-dan 18,2-yə qədər artıb. Doğulanların 53,6 faizini oğlan, 46,4 faizini isə qız uşaqları təşkil edir. Körpələrin 2308-i əkiz, 48-i isə üçəm doğulub.
Cari ilin 9 ayı ərzində ölkədə 41,6 min ölüm halı qeydə alınıb və hər 1000 nəfər əhaliyə hesabı ilə bu göstərici 5,9 təşkil edib.
Digərxəbərlər
Populyar xəbərlər
