Xahiş edirik, diqqətlə oxuyun
Bu insanlara elə gəlir ki, onlar hamımızın yerinə milli-mənəvi dəyərlərimizin necə olmasını müəyyənləşdirə bilərlər. Diqqətli olun. Aralarında tovaraved də var, sadəcə revizor da, jek müdiri də. Ən yaxşı halda Moskva Universitetinin rus dilini bilməyən yetirməsi də. Beləliklə:
NUŞIRƏVAN MƏHƏRRƏMOV - Milli Televiziya və Radio Şurasının sədri. İmişlinin Muradxanlı kəndində anadan olub. İxtisasca tarixçi və Moskva Dövlət Universitetini bitirdiyini sübut edən diploma malik olsa da, RUS DİLİNİ BİLMİR. 1917-1918-ci illərdə "Azərbaycanda milli məsələyə dair partiyalararası mübarizə” mövzusunu araşdırıb. BOLŞEVİKLƏRİN TƏRƏFİNDƏN. Milli-mənəvi dəyərlər barədə təsəvvürləri ancaq MTRŞ-da sədr kimi fəaliyyətə başlayandan sonra formalaşmağa başlayıb.
QAFAR CƏBİYEV - Milli Televiziya və Radio Şurası sədrinin müavini. İsmayıllının Talıstan kəndində anadan olub. 1973-1974-cü illərdə kənd məktəbində tarix müəllimi işləyib. İsmayıllının “Zəhmətkeş” qəzetində məktublar şöbəsində işləyib. 1978-1980-ci illərdə İSMAYILLI RAYKOMUNDA TƏLİMATÇI olub. Milli-mənəvi dəyərlər barədə təsəvvürləri ancaq MTRŞ-da sədr müavini kimi fəaliyyətə başlayandan sonra formalaşmağa başlayıb.
Ağayev Əlvan Həsən oğlu. 1960-cı ildə Şərur rayonunda anadan olub. NARXOZ kimi tanınan Xalq Təsərrüfatı İnstitunun əmtəəşünaslıq fakültəsini bitirib, Şərur şəhər təsərrüfatlararası tikinti idarəsində fəhlə işləyib. 1982-ci ildə Kooperativ komisyon ticarəti idarəsində tədarükçü olub. 1987-ci ildə Şərur şəhər istehlak cəmiyyətində ərzaq malları üzrə əmtəəşünas (TOVARAVED!), 1988-ci ildə həmin idarədə təftişçi, 1990-1996-cı illərdə Şərur şəhər istehlak cəmiyyətində baş əmtəəşünas (BAŞ TOVARAVED) vəzifələrində çalışmışdır. Milli-mənəvi dəyərlər barədə təsəvvürləri ancaq MTRŞ-nın üzvü kimi fəaliyyətə başlayandan sonra formalaşmağa başlayıb.
Elyazov Mübariz Elyaz oğlu. 1967-ci ildə Vardenis rayonunda anadan olub. 1984-cü ildə Moskva şəhərində 84 saylı TEXNİKİ-PEŞƏ MƏKTƏBİNƏ daxil olmuş, 1985-ci ildə həmin məktəbi ELEKTRİK ixtisası üzrə bitirib. 1988-1993-cü illərdə M.V.Lomonosov adına Moskva Dövlət Universitetinin Hüquq fakültəsinə daxil olub. 1995-1999-cu illərdə ÇITA VİLAYƏT PROKURORLUĞUNDA PROKUROR KÖMƏKÇİSİ VƏ MÜSTƏNTİQ vəzifələrində işləyib. Milli-mənəvi dəyərlər barədə təsəvvürləri ancaq MTRŞ-nın üzvü kimi fəaliyyətə başlayandan sonra formalaşmağa başlayıb.
Cəfərov Məmməd Hüseyn oğlu. 1959-cu ildə Şərur rayonunda anadan olub. Bakı Dövlət Universitetinin Kitabxanaçılıq fakültəsində təhsil alıb. XƏZƏR DƏNİZ DONANMASINDA TƏMİR QRUPUNDA BÖYÜK ELEKTRİK vəzifəsində çalışıb. 1999-2001-ci illərdə Xətai rayonunda MİS-in rəisi (YƏNİ BİZİM DİLDƏ DESƏK: JEK) vəzifəsində, 2002-2003-cü illərdə isə Ekologiya və Təbii Sərvətlər Nazirliyində müfəttiş (REVİZOR!) vəzifəsində çalışıb. Milli-mənəvi dəyərlər barədə təsəvvürləri ancaq MTRŞ-nın üzvü kimi fəaliyyətə başlayandan sonra formalaşmağa başlayıb.
Xəlilov Aslan Xası oğlu. 1962-ci ildə Şamaxı rayonunda anadan olub. 1982-1985-ci illərdə Bakı Dövlət Universitetinin tarix fakültəsində təhsil alıb. 1985-1988-ci illərdə M.V. Lomonosov adına Moskva Dövlət Universitetinin tarix fakültəsində təhsilini davam etdirib. 1989-cu ildən 2003-cü ilədək Bakı Slavyan Universitetinin tarix kafedrasında İŞLƏYİB. Dərindən bildiyi sahə MÜSƏLMANLARA QARŞI SOYQIRIMDIR. Milli-mənəvi dəyərlər barədə təsəvvürləri ancaq MTRŞ-nın üzvü kimi fəaliyyətə başlayandan sonra formalaşmağa başlayıb.
Və bu adamlar milli-mənəvi zövqümüzü müəyyənləşdirir! Bu insanların formalaşdırdığı zövq bir zamanlar çalışdıqları sahələrdən keçir. Biri montyor, biri raykom işçisi, biri JEK, biri sadəcə bolşevik tarixçi… Milli-mənəvi dəyərlər sistemi deyil e.. MMDS-di. Dəyərlərinizi yeyəsiniz…
HARDASINIZ AY ANAR? AY TAHİR SALAHOV? AY ARİF MƏLİKOV? AY HACI ALLAHŞÜKÜR PAŞAZADƏ? AY ŞƏFİQƏ MƏMMƏDOVA? AY RAMİZ RÖVŞƏN? AY ABEL MƏHƏRRƏMOV ? AY RASİM BALAYEV? AY ADLARINI ÇƏKMƏDİYİMİZ ONLARLA ƏSL ZÖVQLÜ!!!
Yəni bu ölkədə ziyalı qurtarıb artıq elektriklər baxır zövq işinə. Nə olsun ki, elektrik də işığa baxır!?
pia.az