Lənkəranda piyadanın vurulması ilə nəticələnən ağır-yol nəqliyyat qəzası baş verib
PİA.AZ APA-ya istinadən xəbər verir ki, hadisə saat 19.00 radələrində rayonun Darquba kəndi ərazisində qeydə alınıb.
Lənkəran şəhər sakini, 23 yaşlı Nahid Məlikzadə oğlu Məmmədzadənin idarə etdiyi "VAZ- 2106" markalı, 10 OP 466 dövlət nömrə nişanlı minik avtomobili yolda velosipedlə hərəkət edən Darquba kənd sakini, 9 yaşlı Samir Cəfərovu vurub. Sürücü dərhal xəsarət alan oğlanı maşınına qoyaraq Lənkəran Mərkəzi Rayon Xəstəxanasına (MRX) çatdırıb.
MRX-dən verilən məlumata görə, qapalı kəllə-beyin travması ilə qəbul olunan yaralının həyatının qorunması üçün hazırda həkimlər tərəfindən zəruri tədbirlər görülür.
Faktla bağlı araşdırma aparılır.
pia.az