Xarici vətəndaşlar fiziki qüsurlu uşaqları övladlığa götürməyə önəm verir
Son 7 ildə 41 uşaq xarici vətəndaşlara övladlığa verilib. ANS TV-nin məlumatına görə, Azərbaycanda ötən il 962 uşaq övladlığa verilib. Övladlığa götürülən uşaqlardan bir yaşa qədər olanların sayı 204, 1-5 yaşda olanların sayı isə 429-dur.
Ailə, Qadın və Uşaq Problemləri üzrə Dövlət Komitəsinin hüquqi təminat şöbəsinin müdir müavini Vəsilə Mövsümova deyir ki, 2007-ci ildən bu günə kim 41 uşaq xarici vətandaşlara övladlığa verilib. Övladlığa götürənlərin çoxu Rusiyada yaşayan azərbaycanlılardır.
Yerli vətəndaşlarla yanaşı xarici vətəndaşlara da övladlığa verilən uşaqlar çox olub. Ən çox isə fiziki qüsurlu uşaqlar xarici ailələrə verilib. Çünki yerli ailələr belə uşaqları övladlığa götürməkdən imtina edirlər. Amma xarici vətəndaşlar fiziki qüsurlu uşaqları övladlığa götürməyə daha çox önəm verirlər.
Öz doğma valideyinlərinin qayğısından fiziki qüsurlu olduqları üçün mərhum olan körpələr, mərhəməti xarici ailələrdə tapırlar. Onun sözlərinə görə, 3 yaşlı uşaqları, əsas da oğlan uşaqları övladlığa götürənlər daha çoxdur.
Son bir ildə bir yaşı hələ tamam olmayan uşaqların övladlığa götürülməsi qərarı ləğv olunub. Ailələrdə aparılan araşdırma zamanı məlum olub ki, elə ailələr var ki, onlar bu yaşda uşağa normal baxmaq iqtidarına deyil.
1-5 yaşda olan uşaqların övladlığa götürülməsi ilə bağlı 6 qərar, 11-17 yaşda övladlığa götürülən uşaqlarla bağlı isə 46 qərar ləğv olunub.