İordaniyada Azərbaycan Respublikasının İordaniya Haşimilər Krallığındakı ilk səfiri mərhum Elman Araslının anma mərasimi keçirilib
Azərbaycanın İordaniyadakı səfirliyinin təşkilatçılığı ilə keçirilən mərasimdə İordaniya-Azərbaycan Dostluq Cəmiyyətinin, eləcə də Parlamentin üzvləri, “İbn Sina” SSRİ Ali Məktəblərin Məzunları Cəmiyyətinin sədri Salam Al-Atval, Krallığın ictimai-siyasi dairələrinin nümayəndələri, Azərbaycan diasporunun üzvləri iştirak ediblər.
Səfirlikdən bildiriblər ki, səfir Sabir Ağabəyov mərasimdə çıxış edərək E.Araslının ömür yolundan, diplomatik fəaliyyətindən, ölkələrimiz arasında dostluq münasibətlərinin inkişafındakı rolundan danışıb.
Bərpa olunan Enerji üzrə Ərəb Komissiyasının baş katibi, İordaniya-Azərbaycan Dostluq Cəmiyyətinin idarə heyətinin üzvü Saleh Ruşeydata çıxış edərək S.Araslını gözəl bir insan kimi xatırladıqlarını vurğulayıb, mərhumun ölkələrimiz arasındakı xidmətlərindən bəhs edib.
Mərasim iştirakçıları mərhum haqqında xatirələrini bölüşüb, E.Araslının ailə üzvlərinə və yaxınlarına dərin hüznlə başsağlığı veriblər.
Anma mərasimində xalqımızın adət-ənənələrinə uyğun ehsan süfrəsi açılıb.
Digərxəbərlər
Populyar xəbərlər
