Dekabrın 16-da Bütöv Azərbaycan Xalq Cəbhəsi Partiyası İdarə Heyətinin növbəti iclası keçirilib
BAXCP mətbuat xidmətindən APA-ya verilən məlumata görə, müzakirəyə çıxarılan ilk məsələ 31 Dekabr - Dünya Azərbaycanlılarının Həmrəylik Günü və Azərbaycan Xalq Cümhuriyyətinin qurucularından Məhəmməd Əmin Rəsulzadənin 130 illik yubileyi ilə bağlı dövlət başçısının verdiyi sərəncam olub. BAXCP İdarə Heyəti bu hadisələrin önəmini və Məhəmməd Əmin Rəsulzadənin Azərbaycan tarixindəki rolunu xüsusi qeyd edərək hökumətə "Sahil" bağının adının dəyişdirilərək "Cümhuriyyət" bağı adlandırılması təklifini verib.
BAXCP İdarə Heyəti, eyni zamanda, iqtidarı əfv sərəncamı imzalamağa, bu zaman siyasi motivlərlə həbs olunduğu hesab edilən, beynəlxalq və yerli hüquq müdafiəçilərinin siyahısında olan şəxslərin azad olunması, məhkəməsi aparılan şəxslər haqqında isə həbs qəti-imkan tədbirinin dəyişdirilməsi ilə bağlı çağırış edib.
Digərxəbərlər
Populyar xəbərlər
