Bacısının başını kəsən Pərvanə Nuriyeva prokurorluğa aparılıb
Pərvanə xüsusi mühafizə altında polis maşınına əyləşdirilib.
Sayt onu da bildirir ki, hadisənin baş verdiyi ərazi polis tərəfindən nəzarətə alınıb. Ora heç kim, o cümlədən jurnalistlər də buraxılmır.
Bu arada o da məlum olub ki, artıq Günelin meyiti ilkin ekspertizadan keçirilib: “Qızın üzərində heç bir zorakılıq əlaməti qeydə alınmayıb. Bakirəliyin pozulması faktı yoxdur. Günel Nuriyevanın lezbiyan olması ilə bağlı deyilənlər yalandır”.
Qonşuların verdikləri məlumata görə, onlar bu bacıları yaxşı qızlar kimi tanıyıblar. Qızların heç bir pis hərəkətinin və ya evə kənar şəxslərin gətirilməsinin şahidi olmayıblar.
Məlumatda o da bildirilir ki, G. Nuriyeva bu gün saat 17-də Şəki şəhərində dəfn olunacaq.
Yeri gəlmişkən, sayt bacısını qətlə yetirən qızın şəklini də yayıb.(publika.az)