Əmanətlərin Sığortalanması Fondu ( ƏSF) sığorta hadisəsi baş vermiş bankların qorunan əmanətçilərinə kompensasiya ödənişi barədə avqustun 26-na olan hesabatı açıqlayıb
Fondun mətbuat xidmətindən Lent.az-a verilən məlumata görə, ƏSF tərəfindən avqustun 26-da “Parabank” ASC-nin qorunan əmanətçilərinə 20 milyon 854 min manat, “Zaminbank” ASC-nin qorunan əmanətçilərinə 36 milyon 980 min manat, “Kredobank” ASC-nin qorunan əmanətçilərinə 11 milyon 483 min manat və “Dekabank” ASC-nin qorunan əmanətçilərinə isə 2 milyon 477 min manatdan artıq kompensasiya ödənilib. 4 bank üzrə ümumilikdə 71 miyon 794 min manatdan artıq kompensasiya ödənilib.
3
Bundan başqa ötən gün ərzində “Atrabank” ASC-nin qorunan əmanətçilərinə 4 milyon 894 min manat, “Qafqaz İnkişaf Bankı” ASC-nin qorunan əmanətçilərinə 932 min manatdan artıq kompensasiya ödənilib. 2 bank üzrə ümumilikdə 5 milyon 826 min manatdan artıq kompensasiya ödənilib.
Avqustun 26-da həmçinin “Bank of Azerbaijan” ASC-nin qorunan əmanətçilərinə 24 milyon 052 min, “Gəncəbank” ASC-nin qorunan əmanətçilərinə 895 min 554 min manat, “Texnikabank” ASC-nin qorunan əmanətçilərinə isə 119 milyon 534 min manatdan artıq kompensasiya ödənilib. 3 bank üzrə ümumilikdə 144 milyon 481 min manatdan artıq kompensasiya ödənilib.
Ümumilikdə Fond tərəfindən 9 bank üzrə 222 milyon 101 min manatdan artıq kompensasiya ödənilib.
pia.az