Bu gün səhərdən metro stansiyalarında yeni kart almaq istəyənlər sərnişinlər arasında sıxlıq müşahidə olunub. Bu barədə sərnişinlər sosial şəbəkələrdə yazıblar
Yaranmış problemlə bağlı “Qafqazinfo”ya açıqlama verən Bakı Metropolitenin Mətbuat Xidmətinin rəhbəri Nəsimi Paşayev bildirib ki, sərnişinlərin bəziləri Bakıkart almaq üçün son günü seçdiklərinə görə bu gün bəzi stansiyalarda sıxlıq yaranıb:
“Halbuki 1 aydır ki, kartın satışı həyata keçirilir. Hazırda kifayət qədər kart satış və yükləmə aparatları var. Dünən gecə belə bütün stansiyalarda yeni aparatlar və turniketlər quraşdırılıb və bu davam edir. Eyni zamanda bu ayın sonuna kimi mərhələli şəkildə aparatların sayları artırılaraq 1 oktyabr tarixinə tam başa çatdırılacaq”.
Qeyd edək ki, bu gündən etibarən köhnə metro kartlarına gediş yükləmək mümkün olmayacaq. Bundan əlavə, köhnə kartlarında gedişi olan müştərilər sentyabrın 30-dək kartdan istifadə edə bilərlər.
pia.az