Lyubov Rəhimova avqust ayının 18-də evdən çıxıb və bir daha geri qayıtmayıb
Bakının Nəsimi rayonunda 60 yaşlı qadın yoxa çıxıb. Bu barədə qadının qızı Lala Rəhimova ANS PRESS-ə məlumat verib. Qızın sözlərinə görə, anası 60 yaşlı Lyubov Rəhimova avqust ayının 18-də yaşadıqları Dilarə Əliyeva küçəsindəki evdən çıxıb və bir daha geri qayıtmayıb.
Bu barədə qadının qızı və atası Tofiq Rəhimov qadının itkin düşməsi barədə Nəsimi rayon Polis İdarəsi 22-ci polis bölməsinə məlumat veriblər.
Lala Rəhimova onu da b ildirib ki, anası yaddaş pozğunluğundan əziyyət çəkir. Evlərində bəzi problemlər olsa da, qız hesab edir ki, anası buna görə evdən getməz. Ehtimal olunur ki, Lubov Rəhimova evlərinin yerini unudub. Onun boyu 1,56 metr, gözlərinin rəngi göydür. Qadın orta çəkilidir.
22-ci polis bölməsindən ANS PRESS-ə verilən məlumata görə, heç bir xəbərləri yoxdur.
“Əgər məlumat almaq istəyirisnizsə, Daxili İşlər Nazirliyinin mətbuat xidmətinə müraciət edin”, - deyə bölmədən bildirilib.
Qeyd edək ki, qadını görənlər 055 709 30 04 saylı mobil telefona zəng vura bilərlər.
Digərxəbərlər
Populyar xəbərlər
