Əmircan qəsəbəsində şirniyyat sexində partlayış baş verib
PİA.AZ xəbər verir ki, qəsəbə sakinlərinin virtualaz.org saytına verdiyi xəbərə görə, Əmircan qəsəbəsi, Park küçəsində yerləşən ticarət mərkəzinə bitişik şirniyyat sexində bir neçə dəqiqə əvvəl partlayış baş verib.
Hadisə şahidlərinin verdiyi məlumata görə, partlayışa səbəb qaz sızması olub. Partlayış nəticəsində bir nəfər yanıq xəsarətləri ilə xəstəxanaya aparılıb. Faktla bağlı araşdırma aparılır.
Xatırladaq ki, bir neçə gün əvvəl Biləcəri qəsəbəsində “Army market”in şirniyyat sexində də qaz sızması zamanı partlayış baş vermişdi. Hadisə zamanı 1 nəfər ölmüş, 7 nəfər yaralanmışdı.