Bakının Binəqədi rayonunda yaşayış evindən xeyli miqdarda pul oğurlanıb
Bu barədə Binəqədi rayon Polis İdarəsinin 4-cü polis bölməsindən məlumat verilib.
Məlumata görə, hadisə iyulun 30-da, gecə saatlarında Biləcəri qəsəbəsində qeydə alınıb. Bakı şəhər sakini Hünər Ələkbərovun evindən 3000 manat, məişət əşyaları və tikinti materialları oğurlanıb.
Polis əməkdaşlarının keçirdiyi əməliyyat-axtarış tədbirləri nəticəsində oğurluqda şübhəli bilinən Abşeron rayon sakini Niyaməddin Həsənov və Bakı şəhər sakini Cəlil Babayev tutulublar.