Bakının Nizami rayonunda piyadanın vurulması ilə nəticələnən yol qəzası baş verib
PİA.AZ APA-ya istinadən xəbər verir ki, Şirvani küçəsində "Hyundai" markalı avtomobil yolu keçmək istəyən piyada 48 yaşlı Aybəniz Abdullayevanı vurub.
Yaralı hadisə yerinə çağırılan təcili tibbi yardım avtomobili ilə xəstəxanaya çatdırılıb. Həkimlər piyadanın vəziyyətinin orta ağır olduğunu bildiriblər. O, xəstəxananın reanimasiya şöbəsinə yerləşdirilib.
Hadisəni törədən sürücü polis tərəfindən saxlanılıb. Avtomobil cərimə meydançasına yerləşdirilib. Faktla əlaqədar araşdırmalara başlanılıb.
pia.az