Bakıda qadın sürücünün ehtiyatsızlığı səbəbindən yol-nəqliyyat qəzası baş verib
"Report"un məlumatına görə, hadisə Binəqədi rayonunun Azadlıq prospektində qeydə alınıb
Sürücü Mehriban Əmirəlizadə adıçəkilən prospektdə hərəkətdə olan zaman idarəetməni itirib. Nəticədə, onun maşını əvvəlcə yol kənarında dayanan Vüqar Nağızadəyə məxsus avtomobilə, daha sonra isə yanacaqdoldurma məntəqələrindən birinin qiymət lövhəsinə çırpılıb. Qəza nəticəsində xəsarət alan olmasa da avtomobillərə ciddi ziyan dəyib.
Hər iki nəqliyyat vasitəsi evakuatorlar vasitəsi ilə aparılıb.
Qəza ilə bağlı Binəqədi rayon Polis İdarəsində araşdırma aparılır.
pia.az