Bakıda qardaş qatilinə hökm oxundu

Bakı Apellyasiya Məhkəməsində Ağdam rayon sakini Zahir Əsədovun (1964-cü il təv.) CM-nin 120.1-(qəsdən adam öldürmə) maddəsi ilə təqsirləndirilməsinə dair cinayət işinin baxışı yekunlaşıb

Qaynar.info ittiham aktına əsasən xəbər verir ki, 2014-cü il yanvarın 15-i səhər saat 9 radələrində Nərimanov rayonu, Ş.Mustafayev küçəsi, 34 ünvanda Zahir Əsədov dəmir parçası ilə qardaşı Vahid Əsədovun (1961-ci il təv.) baş nahiyyəsinə zərbələr vuraraq, onu qəsdən öldürüb. Daha sonra isə Nərimanov RPİ 18-ci polis bölməsinə gedərək, təslim olub.

Araşdırma zamanı məlum olub ki, qardaşlar həmin ünvanda şərikli ət dükanı işlədiblər, mübahisə də bu zəmində baş verib. Vahid Zahirin sifət nahiyyəsinə sillə vurduqdan sonra, sonuncu onu qətlə yetirmək məqsədi ilə, ət kəsimi üçün nəzərdə tutulmuş yerdən armatur götürərək, qardaşına yaxınlaşıb və baş nahiyyəsinə ardıcıl zərbələr endirib.

Bakı Ağır cinayətlər məhkəməsinin hökmü ilə Z.Əsədov 10 il müddətinə azadlıqdan məhrumetmə cəzasına məhkum olunub.

Hökmdən narazı qalan təqsirləndirilən şəxs apellyasiya şıkayəti verıb, işi araşdıran Bakı Apellyasiya məhkəməmsi birinci instansiya məhkəməsinin hökmünü qüvvəsində saxlayıb.