Binəqədi qəsəbəsində çoxmərtəbəli binada yanğın zamanı maşınlarına ziyan dəyən sakinlər bu gün elə bina qarşısında aksiya keçiriblər
Virtualaz.org saytı xəbər verir ki, onlar dəymiş ziyana görə söz verilən məbləğin ödənilməsini tələb ediblər.
Hadisə zamanı "Opel" markalı maşını yanan Tofiq Mustafayev deyib ki, ona maşınını hadisə yerindən uzaqlaşdırmağa icazə verilməyib: "Yanğın zamanı hadisə yerindən uzaqlaşdırmağa icazə vermədilər. Nəticədə maşın yararsız hala düşdü. Maşına əslində 6 min manata yaxın ziyan dəysə də ekspertiza rəyində 4 min qeyd olunub. Amma heç o pulu da vermirlər. İki ay əvvəlki görüşdə Abid Şərifov özü söz vermişdi ki, bizə pul ödəniləcək, amma heç nə ödənmədi".
pia.az