“Hazırda Azərbaycanın Cənubi Dağıstanda varlığının əsas səbəbi Dərbəndin yubileyi ilə əlaqədar olaraq bura maliyyənin cəlb edilməsidir”
Axar.az xəbər verir ki, rusiyalı ekspert Konstantin Kazenin bu gün “Reqnum” agentliyindəki şərhində bildirib. O, Dərbənddə etnik qarşıdurmanın qarsısını almağın vacib olduğunu deyib:
“Dərbəndin azərbaycanlı rəhbərinin vəzifədən uzaqlaşdırılması məsələsi yenidən gündəmə gəlib. Bəs görəsən, Qurban Qurbanovun vəzifədən uzaqlaşması Dağıstan üçün nə vəd edir? Əvvəla, bütöv cənubi Dağıstanda Azərbaycan tərəfinin iştirak etdiyi layihələr ətrafında diddişmələr şiddətlənəcək. Hazırda Azərbaycan investisiyasının cənubi Dağıstana yönəlməsinin əsas səbəbi Dərbəndin yubileyi ilə bağlı maliyyə çağırışlarıdır. Qurbanovlar isə Bakının buradakı əsas nümayəndəsi kimi tanınır. Dərbənd şəhəri Dərbənd rayonunun tərkibinə daxil deyil. Amma Qurbanovlar ailəsinin dostluq biznesi sayəsində burada da təsiri çox böyükdür. Bu təsiri saxlamaqla və Bakı ilə olan kontaktları sayəsində Qurbanovlar yəqin ki, azərbaycanlıların Dərbənddə həyata keçirəcəkləri proyektlərin kuratorları rolunu üzərilərinə götürmüş olacaqlar. Həmçinin Qurbanov vəzifədən getdikdən sonra rayonda etnik problemlərin yaranmasının da qarşısını almaq lazımdır. Qurbanovların Bakıdakı dostları sayəsində Dağıstan ləzgilərinin Azərbaycana qarşı münasibəti pisləşib. Bu ləzgilər isə daha çox Azərbaycanın şimal rayonları ilə bağlı iddia irəli sürən şəxslərdir. Əgər ləzgilərdən kimsə Dərbənddə vəzifəyə gətirilməsə, bu, Dağıstan üçün yeni başağrısına çevriləcək. Azərbaycanlılarla ləzgilər arasında bölgülərin aparılması yalnız bölgənin xeyrinə ola bilər”.
Qeyd edək ki, Dağıstan Prezidenti Ramazan Abdullatipov bu həftə Dərbənd rayonunun rəhbəri Qurban Qurbanovun vəzifəsindən çıxarılacağını bildirmişdi.