Cinayət axtarışı şöbələrinin əməkdaşlarına polis forması geyinmək göstərişi verilib
General-mayor Mirqafar Seyidovun Bakı Şəhəri Baş Polis İdarəsinin rəisi təyin edilməsindən sonra paytaxt polisində ciddi gəlişmələr baş verir.
Bir müddət öncə, təyinatından az sonra Mirqafar Seyidovun mülki geyimdə Nərimanov və Sabayel rayonlarındakı bəzi polis bölmələrinə qəfil baxış keçirdiyi barədə məlumat verilmişdi. Təsadüfi deyil ki, məhz həmin yoxlamanın ardından Bakı Şəhəri Baş Polis İdarəsinin 9 vəzifəli şəxsi işqən çıxarıldı.
Hüquq-mühafizə orqanlarından modern.az saytına verilən məlumata görə, həmin olayın ardından mülki geyimdə qəfil yoxlamaları davam etdirən general Seyidov digər yerlərdə də nöqsanlarla qarşılaşıb.
Belə ki, general mülki formada daha bir neçə polis bölməsinə gedərək, rəislə görüşmək istədiyini deyib. Özünü təqdim etməyən M.Seyidovu bu dəfə də tanımayan növbətçi polislər rəislə görüşün mümkün olmadığını deyiblər.
Bu hal 4-5 bölmədə təkrarlanıb.
Səhəri gün problemi olan polis bölmələrinin rəhbərləri Bakı Şəhəri Baş Polis İdarəsinə çağırılıblar.
Saytın məlumatına görə, bölmə rəisləri problemin əvəzini 1 gün təpik döyməklə ödəyiblər.
Bundan sonra Bakıdakı bölmə rəisləri təlaşa düşüblər. Məlumata görə, indi istənilən şikayətçi hər hansı polis bölməsinə gedib rəislə görüşmək istədiyini deyirsə, dərhal onu rəhbərliyin qəbuluna aparırlar.
Daha bir məlumat ondan ibarətdir ki, general-mayor Mirqafar Seyidov rəis təyin olunana kimi polis idarələrinin cinayət axtarışı şöbələrinin əməkdaşları işə polis formasında deyil, mülki geyimdə gəlirdilərsə, yeni rəis bunu da qadağan edib. Artıq onlar da işə polis formasında gəlirlər.
Digərxəbərlər
Populyar xəbərlər
