Balakən-Bakı-Balakən marşrutu ilə hərəkət edən sərnişin avtobusunda yanğın olub
Hadisə bu gün saat 12:25 radələrində Yevlax-Zaqatala-Gürcüstan sərhəd magistral yolunda, Zaqatala rayonu Yuxarı Tala kəndində qeydə alınıb.
Soltan Bayramovun idarə etdiyi “Mercedes-Benz” markalı, 90-KF-403 dövlət nömrə nişanlı avtobusun təkərində anidən tüstülənmə baş verib. Hadisə yerinə Fövqəladə Hallar Nazirliyinin Zaqatala rayon Dövlət Yanğından Mühafizə Hissəsinin texnikası və canlı qüvvəsi cəlb edilib. Yanğınsöndürənlərin səyi nəticəsində təkərdə baş verən tüstülənmənin yanğına keçməsinin qarşısı dərhal alınıb. Hadisə zamanı avtobusda sürücü və köməkçisi olub. Onlar hər hansı xəsarət almayıblar.
Avtobusun təkəri təmir edildikdən sonra Balakən istiqamətində hərəkət edib. Həmin avtobusun bu gün saat 16.00 radələrində Balakəndən Bakıya sərnişin aparması nəzərdə tutulubmuş.
pia.az
Digərxəbərlər
Populyar xəbərlər
