Balakəndə narkotik vasitələrin qanunsuz dövriyyəsi ilə məşğul olan şəxs həbs edilib
Kanal S (Region TV) xəbər verir ki, Balakən Rayon Polis Şöbəsindən verilən məlumata görə, Balakən RPŞ-nin əməkdaşları rayon ərazisində narkotik vasitələrin qanunsuz dövriyyəsi ilə məşğul olan şəxslərin tapılaraq istintaqa təhvil edilməsi istiqamətində növbəti əməliyyat-axtarış tədbiri keçiriblər. Rayonun Sarıbulaq kənd sakini, 1981-ci il təvəllüdlü Zaur Əziz oğlu Barxalovun yaşadığı evdə qanunsuz olaraq əkib-becərərək saxladığı narkotik vasitə olan marixuana olması barədə Balakən RPŞ-yə məlumat daxil olub. Daxil olmuş məlumat əsasında keçirilmiş əməliyyat-axtarış tədbiri nəticəsində Zaur Barxalovun yaşadığı evdən 722,46 qram qrudulmuş marixuana aşkarlanaraq götürülüb.
Faktla bağlı Balakən RPŞ-də CM-nin 237.1 və 234.1 maddələri ilə cinayət işi başlayıb, Zaur Barxalov barəsində Balakən Rayon Məhkəməsi həbs - qəti imkan qərarı çıxarıb.