Dünya şöhrətli “De Grisogono” zərgərlik brendinin dizayneri Favaz Qruozi modelyer Günel Rüstəmovanın işlərini bəyəndiyini söyləyib
PİA.AZ Publika.az-a istinadən xəbər verir ki, modelyer Günel Rüstəmovanın “De Grisogono” markası ilə birlikdə təşkil etdiyi moda gecəsi Türkiyə mətbuatında yer alıb. Belə ki, Tülün Şahin iştirak etdiyi moda nümayişindən reportaj hazırlayıb.
“De Grisogono” zərgərlik brendinin yaradıcısı Favaz Qruozi Tülün Şahinə müsahibə verib.
Dünya şöhrətli zərgərlik brendinin yaradıcısı F. Qruozi müsahibəsində əməkdaşlıq etdiyi Günel Rüstəmovanın yeni kolleksiyası haqqında fikirlərini bölüşüb:
“Onunla Parisdə bir şirkət vasitəsilə tanış olmuşuq. Artıq iki ildir ki, Günellə birlikdə çalışırıq, may ayında 3 ilimiz tamam olacaq. Həm də o, son dərəcə istedadlı xanımdır”.
Günel Rüstəmova da müsahibəsində dünya şöhrətli zərgərlə birlikdə dəfilə təşkil etməkdən məmnunluğunu ifadə edib:
“İkimiz də bir-birimizin işlərini bəyənir və bir-birimizi tamamlayırıq. Favaz Qruozinin dizaynlarını çox sevirəm. Bu əməkdaşlıqdan zövq alıram”.
Modelyer açıqlamasında yeni kolleksiyasında boz və şərab rənglərinin üstünlük təşkil etdiyini bildirib:
“Yeni kolleksiyasının ilham mənbəyi uşaqlıdan bu günə qədər filmlərdə gördüyüm, kitablarda bəyəndiyim qadın qəhrəmanlar olub. Libaslarda dizaynerin işlərini də əks etdirməyə çalışmışıq”.
Xatırladaq ki, Azərbaycanlı modelyer, Mərkəzi Bankın rəhbəri Elman Rüstəmovun qızı Günel Rüstəmovanın rəhbərlik etdiyi "Gyunel" moda evinin yeni kolleksiyası Parisdə nümayiş olunmuşdu. Şouda dizaynerin qiymətli zinət əşyaları ilə yanaşı, Günelin “Gyunel” markasının yeni kolleksiyası da təqdim edilib. “De Grisogono” zərgərlik brendinin yeni kolleksiyasını təqdim edən modellər Günelin libaslarını geyinib.
pia.az
Digərxəbərlər
Populyar xəbərlər
