Xəstələr etiraz edir
Masallı rayon Mərkəzi Xəstəxanasında gərginlik yaşanır.
Bu barədə Arqument.Az-a tibbi komissiyaya gələn xəstələr məlumat verib.
Onların sözlərinə görə, xeyli sayda xəstə həkim-məsləhət komissiyasının önündə toplaşıb. Komissiyanın sədri başqası olduğu halda, baş həkim Cəlil Nəzərov möhürü götürüb harasa gedib.
100-ə yaxın xəstə komissiya sədrindən baş həkimin komissiyaya aidiyyəti olmadığı halda, niyə onların işinə müdaxilə etdiyini soruşublar. O isə açıqlama verə bilməyib.
Xəstələr baş həkimə zəng edərək möhürü gətirməyi tələb edirlər. Baş həkim Cəlil Nəzərov isə bundan sonra telefonunu söndürüb, zənglərə cavab verməyib.
Hazırda xəstələr gözləməkdə davam edirlər.
Mövzu ilə bağlı Masallı rayon Mərkəzi Xəstəxanasının baş həkimi Cəlil Nəzərova zəng etsək də, telefonu qapalı olduğundan əlaqə saxlaya bilmədik.
pia.az