Bayıl qəsəbəsi sökülür

ANS PRESS-in verdiyi məlumata görə, sənədlərlə bağlı problem Aytəkin xanımın həm əsəblərini pozub, həm də rahatlığını. Məhz bu amil də Nağıyevlər ailəsinə verilən kompensasiyanın azlığı ilə nəticələnib. Üstəlik ölçmə işləri də düzgün aparılmır, deyir müsahibim.

Aytəkin xanım kimi Bayıl qəsəbəsi Əhəd Yaqubov küçəsində yaşayanlar da söküntü işlərindən narazı qalıb. Onların sözlərinə görə, heç bir razılaşma olmadan işlərə başlanılıb. Hər kvadrat metr üçün təyin olunmuş məbləğ 700-800 manatdır. Bu isə paytaxtın heç bir yerində yeni mənzil almaq üçün kifayət etmir.

Sakinlər deyir ki, icra hakimiyyətinin nümayəndələri gəlib baxış keçiriblər və evləri tərk etmək üçün 1 gün vaxt qoyublar. Bu müddət ərazində isə ev tapmaq və köçmək qeyri mumkundür.

Şikayətçi Əli Səfərov: "Məsələni aydınlaşdırmaq üçün Səbail rayon icra hakimiyyətinə yollandıq. Qurum rəsmisi Qurban İsmayılov bildirdi ki, ərazidəki mənzillərin qiymətləndirilməsi üçün komissiya yaradılıb.

Qiymətləndirməyə gəldikdə isə, oradakı mənzillər qanunsuz tikili olduğu üçün hər bir kvadrata görə dəqiq və stabil qiymət qoyulmayıb. Komissiya mümkün qədər evlərə çəkilmiş xərcləri nəzərə alıb, ancaq sənədli mənzillərin hər bir kvadrat metri üçün 1500 manat ödənilir".