Şənbə, 20 Aprel 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bəhruzun meyitində elektroşok izləri olub?


Avqustun 22-də 27 yaşlı Bəhruz Hacıyevin ölümü ilə bağlı etiraz aksiyasından sonra bu gün - avqustun 24-də Mingəçevir şəhərində sakitlikdir, həyat əvvəlki axarı ilə davam edir


Arabir parklarda və ictimai yerlərdə xüsusi təyinatlı polis nəfərləri gözə dəyir.

Avqustun 20-də Mingəçevir sakini, 27 yaşlı Bəhruz Hacıyev polis bölməsinə aparılıb, az sonra ölüm xəbəri gəlib. Yaxınları onun meyiti üzərində zorakılıq izlərinin olduğunu iddia edir, buna etiraz edirlər.

Bəhruzun atası Dilsuz Hacıyev deyir ki, Bəhruzun meyitinin üzərində elektroşok izləri olub: “Mən meyiti morqda gördüm. Hər iki böyründə qırmızı nöqtələr var idi. Güman edirəm ki, ona elektroşok veriblər. Başqa nə ola bilər ki?!”

İşgəncələr Əleyhinə Komitənin sədri Elçin Behbudov deyir ki, ona da vaxtilə elektroşok veriblər: “Elektroşokdan sonra bədəndə xırda, qara nöqtə kimi izlər qalır”. 

Elçin Behbudov deyir ki, meyiti görmədiyi üçün dəqiq fikir söyləyə bilməz. 

Mingəçevir Şəhər Polis İdarəsi (ŞPİ) isə gün ərzində “Azadlıq”ın zənglərinə cavab verməyib.

Ancaq az əvvəl Mingəçevir ŞPİ-nin rəisi Ələsgər Bədəlov Bəhruz Hacıyevə güc tətbiq edilməsi barədə deyilənləri qəbul etmirdi: “Meyitin müayinəsində qohumları iştirak edib. Bəhruz Hacıyevin şöbəyə gətirilməsi ilə onun özünü aşağı atması arasında 10 dəqiqə vaxt olub, bu müddət ərzində onu necə döymək olardı?”.

(Bu elektroşok iddiası ilə bağlı istintaqın nəticəsi bilinən kimi əlavə məlumat verəcəyik-red.).

Sakinlərin verdiyi məlumata görə, bu səhər aksiyada iştirak edən iki nəfəri saxlayıblar, indi içəridə 21 nəfər var. Onların çoxu Bəhruzun yaşadığı Mingəçevir şəhərinin Mingəçevir kəndi adlanan ərazisindəndir.

Aksiyaçılar deyirlər ki, tələbləri təmin olunmayıb: “Bizim tələbimiz budur ki, polis şöbəsinin rəisi Ələsgər Bədəlov işdən çıxarılsın”.

Hadisədən sonra Mingəçevir ŞPİ rəisinə şiddətli töhmət verilib.

Polis baş leytenantı Şahlar Şahlarzadənin Bəhruz Hacıyevin təhlükəsizliyini təmin etməməsi ağır nəticəyə səbəb olması iddia olunaraq daxili işlər orqanlarında xidmətdən xaric edilib, ona qarşı cinayət işi açılıb, barəsində 4 aylıq həbs-qətimkan tədbiri seçilib.

Ata Dilsuz Hacıyev deyir ki, Daxili İşlər Nazirliyinin əməkdaşları onun oğlunun dostlarını “narkoman” adlandırıblar (Ələsgər Bədəlov “Azadlıq”a belə demişdi:“Rəhmətliyin narkoman yoldaşları istəyirdilər ki, şou yaratsınlar, meyiti götürüb şəhərdə gəzdirsinlər, polisin binası qarşısına gətirsinlər”-red.). Bu isə yanlışdır. Heç bir ekspertiza həyata keçirilmədən, heç bir yekun rəy olmadan necə belə bir söz deyə bilərlər? Bəhruz tikintidə fəhlə işləyidi. Mən kasıb kişiyəm, balıq satıram. Narkotiklə məşğul olan adam niyə fəhləlik etsin?! Eşitdiyimə görə, məni ruhi xəstə kimi qələmə veriblər. Mən üç gün camaatın qarşısını kəsib onları aksiya keçirmələrinə mane olmağa çalışmışam. Ruhi xəstə bunu edə bilərdimi?!”

27 yaşlı Bəhruz ailənin üç oğlundan biri idi. Atası deyir ki, anasını ovutmaq olmur: “Anası zarıyır. Biri var ağlamaq, biri də var ki, zarıya-zarıya qalıb”.

Daxili İşlər Nazirliyi bildirir ki, mərhum narkotik vasitələrin satışında və istifadəsində şübhəli bilinərək Mingəçevir ŞPİ-yə gətirilib, inzibati binadakı xidməti otaqların birində dindirilərkən qəfildən özünü pəncərədən atıb.(virtual.org)

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Abel Məhərrəmov və xanımı məhkəməyə verildi - Torpaq qalmaqalı

Məhkum ana həbsxanadakı ən çarəsiz gecəsindən danışdı: “Qandalı açıb polisə verdim ki...” - Video

Hacı Nuran "Pusu"nun məşhur aktyoruna lüks avtomobil hədiyyə etdi

Deputat: “Bu yaxınlarda parlament seçkisi olacaq”

Fransanın daha bir neçə diplomatı “persona non grata” elan edilib - Foto    

İlham Əliyevin növbəti qələbəsi: Qazaxın 4 kəndi Azərbaycana qaytarılır

Ermənistan ordusu Qazaxın dörd kəndindən çıxarılır  

Azərbaycanda 22 yaşlı oğlan qadının üzərinə benzin tökərək yandırıb - Yenilənib

Ən çox oxunanalar