PİA.AZ xəbər verir ki, 19-20 noyabr 2014- cü il tarixlərdə Yeni Azərbaycan Partiyasının 22-ci ildönümü ilə bağlı Heydər Əliyev mərkəzində Bərdə rayon Gənclər və İdman idarəsinin və YAP Bərdə rayon təşkilatının birgə təşkilatçılığı ilə rayonun bir qrup fəal yeniyetmə və gənclərin iştirakı ilə “Heydər Əliyev və müasir Azərbaycan gəncliyi ” mövzusunda disput keçirilib.
Tədbirdə Gənclər və İdman idarəsinin rəisi Anar Şahbazov, baş məsləhətçi Aydın Qasımov, Təhsil şöbəsinin müdir müavini İsmayıl Adıgözəlov çıxış edərək ümumilli liderin hakimiyyətdə olduğu dövrlərdə Azərbaycan gəncliyinə göstərdiyi diqqət və qayğıdan, Yeni Azərbaycan Partiyasının yaradılma tarixindən , müasir Azərbaycan gəncliyinin hərtərəfli inkişafı üçün ölkə Prezidenti cənab İlham Əliyevin gördüyü işlərdən danışdılar. Sonra gəncləri maraqlandıran suallara geniş və ətraflı cavab verildi.
pia.az