Bərdədə avtomobil işıqlandırma dirəyinə çırpılıb
Kanal S-in Qarabağ bürosunun məlumatına görə, hadisə şəhərin Heydər Əliyev prospektində baş verib. Belə ki, Bərdə rayon sakini Aslanov Səməd idarə etdiyi 90-NL-973 dövlət nömrə nişanlı “VAZ 2107” markalı, minik avtomobili ilə yüksək sürətlə hərəkətdə olarkən idarəetməni itirib və avtomobili işıq dirəyinə çırpıb.
Nəticədə sürücü və onun sərnişini Gülnar Aslanova müxtəlif dərəcəli bədən xəsarətləri alıb. Xəsarət alan şəxslər dərhal Bərdə Mərkəzi rayon Xəstəxanasına çatdırılıb.
Faktla bağlı araşdırma aparılır. Qəzanın dəqiq səbəbləri aparılacaq araşdırmalardan sonra bəlli olacaq.