Bərdə rayon Yeni Daşkənd kəndində növbəti səyyar qəbul-görüş keçirilmişdir
PİA.AZ-a daxil olan məlumata görə, Bərdə rayon İcra Hakimiyyətinin başçısı Vidadi İsayev rayonun Yeni Daşkənd kəndində əhali ilə səyyar qəbul-görüş keçirmişdir.
Səyyar qəbul-görüşü açan Bərdə rayon İcra Hakimiyyətinin başçısı V,İ.İsayev əsası ulu öndər Heydər Əliyev tərəfindən qoyulmuş sosial-iqtisadi inkişaf siyasətinin bu gün onun siyasi kursunun layiqli davamçısı möhtərəm Prezidentimiz cənab İlham Əliyev tərəfindən uğurla davam etdirildiyini bildirmiş və regionların sürətli sosial-iqtisadi inkişafından söz açmış, daha sonra Bərdə rayonunun sosial-iqtisadi inkişafı ilə bağlı rayonun infrastrukturunun yaxşılaşdırılması istiqamətində görülmüş işlərdən danışmışdır.
Bildirmişdir ki, ölkə Prezidenti cənab İlham Əliyevin Bərdəyə növbəti tarixi səfəri zamanı burada gedən tikinti-abadlıq, quruculuq işlərindən razi qalması bütün bərdəlilərdə böyük ruh yüksəkliyi yaratmış, rayonda bu sahədə həyata keçirilən işlərin daha geniş vüsət almasına stimul vermişdir.bundan sonra da davam etdiriləcəkdir.Keçirilən qəbul-görüşdə əhalini narahat edən problem və qayğılar dərindən öyrənilmiş, onların həlli istiqamətində elə yerindəcə aidiyyəti qurumların rəhbərlərinə konkret tapşırıqlar verilmişdir. Səyyar qəbul-görüşdə Prezident Administrasiyasının məsul işçisi Əflatun Rufiyev, ayonun hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri və bələdiyyə sədrləri, KİV nümayəndələri iştirak etmişlər.
Kənd sakinlərindən Əmrahov Fariz, Balıyev Ələddin, İsmayılov Əmirəhməd, Məmmədov Rafiq, Şairov İsrail, Əliyev Aqif, Hüseynov Fəqani, Nəbiyeva Gülnar və başqaları kənddə əhalinin həyat şəraiti və mövcud olan bəzi problemlərdən söz açaraq, arzu və təkliflərini bildirmişlər. Qeyd olunmuşdur ki, əkin sahələrinin suvarılması üçün əlavə subartezian quyularının qazılmasına, köhnəlmiş elektrik dirəklərinin və naqillərin yenisi ilə əvəz edilməsinə, Yeni Daşkənd kənd həkim ambulatoriyasının əsaslı təmir olunmasına və s.ehtiyac var.Görüşdə sakinlər tərəfindən qaldırılan məsələlərin böyük əksəriyyəti yerindəcə həllini tapmış, digərlər məsələlər isə həll edilməsi üçün aidiyyəti qurumların rəhbərlərinə tapşırılmışdır.
Tədbirdə iştirak edən Prezident Administrasiyasının məsul işçisi Əflatun Rufiyev sakinlər tərəfindən qaldırılan məsələləri diqqətlə dinləmiş, onların həlli istiqamətində təkliflər hazırlanaraq aidiyyəti qurumların qarşısında məsələ qaldırılacağını və lazımı köməklik göstəriləcəyini bildirmişdir.
Kənd sakinləri əhalinin problemlərinin həlli istiqamətində həyata keçirilən tədbirlərdən, rayonda aparılan abadlıq-quruculuq işlərindən razılıqlarını bildirərək, göstərilən diqqət və qayğıya görə dövlətimizin başçısına öz minnətdarlıqlarını bildirmişlər.
pia.az
Digərxəbərlər
Populyar xəbərlər
