Böyük Britaniyada ölkənin Avropa İttifaqına üzvlüyü ilə bağlı təkrar referendumun keçirilməsi tələb olunur
Buna görə başlanan petisiyanı 2 milyondan çox insan imzalayıb.
AzVision.az xarici KİV-ə istinadən xəbər verir ki, petisiya Britaniya parlamentinin saytında dərc edilib. Petisiyanın baxılması üçün 100 min imza toplaması gərək olmasına baxmayaraq, sənədi 2,3 mln. insan imzalayıb.
Petisiyaya iyunun 28-də parlament komitəsində baxılması gözlənilir.
Qeyd edək ki, iyunun 23-də keçirilən referendumda Böyük Britaniyada Aİ-dən çıxmağa (Brexit) səs verənlərin sayı çoxluq təşkil edib. Referendumda iştirak edənlərin 52 faizi Birləşmiş Krallığın Aİ-ni tərk etməsini istəyib.
pia.az