Builki tədris mövsümündə məktəbli dəstlərinin qiyməti dəyişəcək
Bu barədə virtualaz.org saytına Bakı Tikiş Evindən məlumat veriblər.
Xəbərdə deyilir ki, ötən tədris mövsümündə ibtidai siniflər üçün məktəbli dəsti 30-35 manat, yuxarı siniflər üçün isə 40-45 manat arasında olub. Son qərara əsasən, qiymət fərqi aradan qaldırılıb.
1-6-cı siniflər üçün şalvar (yubka) və pencəkdən ibarət dəst 34 manat olacaq. 7-11 siniflərdə təhsil alanların məktəbli dəstləri 43 manat olacaq.
“Əvvəllər qiymətlər ölçülərə görə müəyyənləşdirilmişdi. Amma gələn tədris mövsümündə olçülərdən asılı olmayaraq qiymətlər 34 və 43 manat olacaq. Bu qərar qiymət artımı deyil, o, qiymət fərqinin aradan qaldırılması üçün qəbul edilib” - deyə Bakı Tikiş Evindən bildirilib.
pia.az