Yenicə istifadəyə verilən yol nişanları sürücüləri tam çaşdırır
Cəlilabad rayonunda yenicə istifadəyə verilmiş yollarda nəqliyyat vastələrinin hərəkətlərini tənzimləyən xəbərdarlıq nişanları sürücüləri tam çaş-baş salıb.
ANS PRESS-in bölgə müxbirinin verdiyi məlumata görə, rayonun Bədirli kəndininin giriş hissəsində avtmobillərin sürət hədəddini bildirən xəbərdarlıq nişanında təkcə sıfır rəqəmi var.
Bu da yoldan keçən nabələd sürücüləri tamamilə çaşdırır. Onlar ilk baxışdan elə başa düşürlər ki, burada hərəkət etmək olmaz. Amma məsələnin məğzi tamam başqadır.
Belə ki, kəndin giriş hissəsində məktəbin olduğu nəzərə alınaraq, burada sürət həddi saatda 30 km sürəti bildirən xəbərdarlıq nişanı qoyulsa da, naməlum səbəbdən tablodan 3 rəqəmi yox olub. Bir neçə aydır sözügedən yol üzərində yalnız sıfır rəqəminin qalması kənd sakinlərini narahat edir. Çünki yoldan keçən avtomobillər sürət həddini bildirən nişanın rəqəmi olmadığı üçün yoldan son dərəcə yüksək sürətlə keçirlər.
Sakinlərin sözlərinə görə, bir müddət əvvəl ərazidəki yol nişanın bu vəziyyətdə olması piyadanın vurulmasına ilə nəticələnən yol nəqliyyat hadisəsinə baş verməsinə səbəb olub.