Bu gün Səngəçal terminalında Cənub Qaz Dəhlizinin təməli qoyulub
Təməlqoyma mərasimində Azərbaycan prezidenti İlham Əliyev, Bolqarıstan prezidenti Rosen Plevneliev, Yunanıstanın baş naziri Antonis Samaras, Gürcüstanın baş naziri İrakli Qaribaşvili, Monteneqronun baş naziri Milo Cukanoviç, Türkiyənin enerji və təbii qaynaqlar naziri Taner Yıldız, İtaliyanın iqtisadi inkişaf nazirinin müavini Klaudio Deviçenti, BP şirkətinin icraçı direktoru Robert Dadli və digər rəsmi şəxslər, şirkət nümayəndələri iştirak ediblər.
İlk borunun üzərində Cənub Qaz dəhlizinin keçəcəyi ölkələrin, eləcə də Dövlət Neft Şirkətinin və BP-nin bayraqları əks olunub. Əvvəlcə Azərbaycan prezidenti İlham Əliyev, sonra isə digər ölkələrin dövlət və hökumət rəsmiləri, SOCAR, BP prezidentləri borunun üzərində imza atıblar.
Daha sonra bu boru xəndəyə döşənərək Cənub Qaz Dəhlizinin təməli atılıb.