15 iyul dövlət çevrilişinə cəhd olan gecə Mərmərədə helikopterə minən Ərdoğanla pilotlar arasında baş tutan maraqlı dialoq yayılıb
Publika.az xəbər verir ki, “Posta” qəzeti Ərdoğanın 6 saat gözlədikdən sonra helikopterlə getmək qərarına gəldiyini yazıb.
Prezident Administrasiyasına aid helikopter otelin həyətinə işıqları söndürülmüş şəkildə enib.
Ərdoğan, həyat yoldaşı Əminə Ərdoğan, qızı Esra Albayrak, kürəkəni Berat Albayrak, nəvələri 11 yaşındakı Mahinur və 7 aylıq Sadıq helikopterə miniblər. Ərdoğanın özəl qələm müdiri Hasan Doğan və mühafizə rəisi Muhsin Köse də orada olub.
Qəzet yazır ki, Ərdoğan əvvəlcə pilotlara yaxınlaşıb və “Mənə mərd şəkildə deyin, kimin tərəfindəsiniz?” deyə soruşub.
Pilotlar cavabında bildirib: “Sizin yanınızdayıq. Həm də sona qədər. Sizi və ailənizi gedəcəyiniz yerə çatdırmaq üçün nə lazımdırsa, edəcəyik. Ölsək də, birlikdə öləcəyik”.
Helikopter hərbi radarlara tutulmamaq üçün bütün işıqlarını söndürərək, alçaqdan uçub. Helikopter havaya qalxandan 15 dəqiqə sonra çevriliş edən hərbiçilərin sui-qəsd qrupu otelə basqın edib.
pia.az
Digərxəbərlər
Populyar xəbərlər
