Ləğv edilmiş Milli Təhlükəsizlik Nazirliyinin hazırda həbsdə olan generalı Akif Çovdarov və digər 3 əməkdaşının cinayət işi üzrə məhkəmə prosesinə Dövlət Təhlükəsizlik Xidməti də tərəf kimi qoşulub
“Qafqazinfo”nun əldə etdiyi məlumata görə, DTX öz nümayəndəsi vasitəsilə mülki iddia ərizəsi ilə Bakı Hərbi Məhkəməsinə müraciət edib.
DTX ərizəsində A.Çovdarova qarşı irəli sürülən Cinayət Məcəlləsinin 179.3.2-ci (külli miqdarda mənimsəmə) maddəsi üzrə qeyd edilən epizodda zərərçəkmiş kimi tanınmasını istəyib.
Belə ki, general bu maddə ilə dövlət büdcəsini mənimsəməkdə günahlandırılır. İttihama görə, A.Çovdarov agentura şəbəkəsinin saxlanılması üçün dövlət büdcəsindən ayrılan 2 milyon 917 min manat pulu mənimsəyərək şəxsi məqsədləri üçün xərcləyib.
Hazırda DTX-nın ərizəsində həmin pulun müvafiq dövlət qurumuna, yəni MTN-nin varisi hesab olanan DTX-ya aid olduğu bildirilib. Həmin məbləğin A.Çovdarovdan alınaraq DTX-ya verilməli olduğunu qeyd edilib.
Qeyd edək ki, A.Çovdarov ibtidai istinataq ifadəsində bu maddə üzrə özünü təqsirli bilmədiyini deyib və agentura şəbəkəsinin ifşa olunmaması üçün ifadə verməkdən imtina etdiyini bildirib. General qeyd edilən məbləğin agentlərə ödənildiyini qeyd edib.
pia.az
Digərxəbərlər
Populyar xəbərlər
