“Federasiyanın rəhbərliyi necə desə, elə də edəcəm”
İspaniyanın futbol üzrə yığmasının baş məşqçisi Visente del Boske yığmadan getməsini və məşqçi karyerasından uzaqlaşacağını bəyan edib.
“Müqaviləm iyulun 31-nə qədər qüvvədədir, şübhəsiz, sonra İspaniya yığmasını tərk edəcəm. Bu qərarı “Avro-2016”-nın nəticələrindən asılı olmayaraq qəbul edərdim. İspaniya Futbol Federasiyası yığma üçün hər zaman yaxşı məşqçilər seçə bilib.
Federasiyanın rəhbərliyi necə desə, elə də edəcəm, heç bir iradım yoxdur. Daha məşqçi çalışmayacam. Mən futbolu tərk edirəm, əgər köməyim dəyə biləcək bir məqam olarsa, mən bunu edəcəm”, - Boskenin sözlərini AS agentliyi sitat gətirib.
Daha öncə İspaniya Futbol Federasiyası rəhbərliyinin 65 yaşlı Del Boskonun istefasını qəbul etməsi barədə məlumat yayılmışdı.
İspaniya yığması Avropa çempionatının 1/8 finalında 0:2 hesabı ilə İtaliya yığmasına məğlub olub.
V. del Boskenin rəhbərliyi altında İspaniya yığması 2010-cu ildə dünya çempionu və Avropa 2012-nin çempionu olub. 2012-ci ilin nəticələrinə görə, FİFA onu ən yaxşı məşqçi elan edib. (oxu.az)
pia.az