Bir neçə gündür ki, mətbuatda və sosial şəbəkələrdə nəqliyyat naziri Ziya Məmmədovun qardaşı, millət vəkili Elton Məmmədovun oğlu Aynar Məmmədovun avtoşluğu müzakirə olunur.
Millət vəkili Elton Məmmədov dünən açıqlamasında sözügedən 10 LZ 100 dövlət nömrə nişanlı avtomobilin oğlu Aynar Məmmədova deyil, Zaur Bağırov adlı şəxsə məxsus olduğunu bildirmiş və həmin şəxsi tanımadığını, bu adamların oğlu ilə bağlı məlumatlar yayılandan sonra ortaya çıxaraq avtomobilin texpasportunu təqdim etdiyini qeyd etmişdi.
Lakin medianın qısa araşdırmasından sonra məlum oldu ki, Zaur Bağırov “Azəryolservis” Açıq Səhmdar Cəmiyyətində (ASC) çalışır və deputatın oğlu Aynar Məmmədovun ən yaxın dostudur.
Elə Zaur Bağırovun facebookda paylaşdığı fotolarda da Aynar Məmmədovla çox yaxın olduqları aydın görünür. Sözügedən gənc sosial şəbəkələrdə dəbdəbəli və əyləncəli həyatını əks etdirən kifayət qədər foto paylaşıb.
Qeyd edək ki, dünən az qala bütün saytlar Zaurun facebook səhifəsindən bir neçə foto yayımlamışdılar. Lakin...
PİA.AZ“Qafqazinfo”-ya istinadən bildirir ki, Zaur Bağırov medianın diqqətini görəndən sonra bu gün təcili olaraq facebook səhifəsini bağlayıb.
Digərxəbərlər
Populyar xəbərlər
