“Azərbaycan Dünyası” jurnalının təşkilatçılığı “Qafqazda və Dağıstanda yaşayan azərbaycanlıların son aylarda yaranmış problemləri” ilə bağlı mətbuat konfransı keçirildiyi barədə xəbər vermişdik
Azadliq.info-nun xəbərinə görə, tədbirdə Dərbənd meri Qurban Qurbanovla Dağıstanın prezdenti Ramazan Abdullatipov arasındakı qarşıdurmada baş nazirin sabiq birinci müavini Abbas Abbasovun da rolunun olduğu vurğulanıb.
Məsələ ondadır ki, Abbas Abbasovla Ramazan Abdullatipov arasında dostluq münasibətləri var. Elə buna görə də istisna edilmir ki, Abbas Abbasov bu qarşıdurmada Ramazan Abdullatipovu müdafiə edir. Görünür, məhz bu yanaşmanın nəticəsidir ki, tədbir işçtirakçıları baş verənlərə görə həm də Abbas Abbasovu günahlandırıblar.
Maraqlıdır ki, “Azərbaycan dünyası” jurnalının təsisçisi Eldar Ismayılov Abbas Abbasovun sədri olduğu “Milyarderlər İttifaqı”nın təsisçilərindən olan iş adamı İsgəndər Xəlilovun xalası oğludur. Lakin o, Dərbənd merinin açıq müdafiəçisi kimi çıxış edib. “Orada yaşayan azərbaycanlıların hüquqlarını pozaraq onların seçdiyi Qurban Qurbanovu işdən çıxarmaq istəyirlər”, - deyə o, bildirib.
Eldar İsmayılovun Ramazan Abdullatipova, deməli həm də Abbas Abbasova qarşı çıxması isə bu qənaəti yaradır ki, İsgəndər Xəlilov Dərbənd məsələsində başqa mövqedədir.